आज राष्ट्रले दिवस मनाउनु अघि

~~~~~~ गजल ~~~~~~

आज राष्ट्रले दिवस मनाउनु अघि
संविधान देउ मलाई जलाउनु अघि

पाँच पाण्डव तिमीहरू म कस्की हुँ भन्ने
पहिचान देउ मलाई बताउनु अघि

गर्भ बोकाएर तिमीहरू घाँटी ङ्याक्न खोज्दैछौ
कोखबाट यो शिशु जन्माउनु अघि

सास बाँकी होला ढुकढुकी छामी हेर
लाश माथि त्यो कात्रो ओढाउनु अघि

दागबत्ती दिने को ? मेरो पहिलो प्रश्न ?
जिउँदो यो लाश उठाउनु अघि ।

~ © मानन्धर अभागी ।