दृष्टि विहीन यो जिन्दगी संसार अँध्यारो छ

~~~~~~~~ गजल ~~~~~~~~

दृष्टि विहीन यो जिन्दगी संसार अँध्यारो छ
जातीय आफ्नो राज्य देशभन्दा प्यारो छ

भाइ फुटे गँवार लुटे नेताको यै चाहना
देश याँ निर्माणमा सँधैसँधै तगारो छ

न संविधानको धारो न त घरको धारो बन्छ
सदन भित्र वाहिर अचम्मको धारो छ

जुन जोगी आएपनि कानै चिरेको रहेछ
चिलिम तान्न थालेपछि यो देश बन्न गाह्रो छ

चुनेर त पठाइसक्यो अब फेरि कस्ले रोक्यो
संविधान बनाउन किन फेरि अप्ठ्यारो छ ।

~ © मानन्धर अभागी ।